Mpira wa miguu unazidi kukua kibiashara kila kukicha.Kila siku wacheza soka wanasaini mikataba na makampuni mbali mbali inayowaingizia pesa.Wenzetu wanapiga hatua na kutumia majina yao kuingiza pesa hata wasipokuwa uwanjani.
Paul Pogba ni mchezaji gumzo duniani kwa sasa.Mengi yanayomtokea mwanasoka huyo ndani na nje ya uwanja inakuwa ni hadithi kubwa.Baada ya umaarufu wake kuongezeka Twitter waliamua kumpa emoji maalum kwa ajili yake katika mtandao wao.
Sasa mchezaji mwenye thamani kubwa kwa sasa Neymar naye amekuja na emoji.Tofauti na Pogba ni kwamba Emoji ya Neymar itakuwepo kwenye simu za Android na Ios.Biashara ya soka inaonekana kuzidi kutanuka kwani kwa kupitia emojis makampuni ya simu yanaona yataweza kuwavutia wateja wao.
Emoji hii ya Neymar itaanza kuonekana Alhamisi hii tarehe 26.Lakini tofauti kati ya emoji ya Neymar na ya Pogba ni kwamba emoji ya Neymar ni ya kudumu wakati ile ya Pogba itaacha kuonekana mapema mwezi ujao baada ya mechi zidi ya Leicester City.
Inaonekana Neymar jina lake linazidi kukua kibiashara kwa sasa.Kwani achilia mbali emoji hiyo lakini Neymar mwezi huu alitajwa kama mchezaji mwenye thamani kubwa zaidi duniani akiwa na thamani ya £246.8m
Post a Comment