Jumatano ya January 25, 2017 kuna story ili-trend sana kwenye social networks ikimuhusisha striker wa Togo Emmanuel Adebayor kujiunga na klabu ya Yanga ambao ni mabingwa watetezi wa taji la VPL.
Taarifa hiyo ambayo ilitolewa na mtandao wa www.soka25east.com ilienda mbali zaidi na kudai kuwa, wakala wa Adebayor amesema wameshaanza mazungumzo na klabu ya Yanga kuhusu uhamisho wa mchezaji wake.
Lakini Emmanuel Adebayor amesema bado anahitaji kucheza soka nchini England na amesema bado anaamini anaweza kucheza katika level ya juu.
Adebayor amerejea nyumbani akitokea Gabon baada ya Togo kuondoshwa kwenye miachuano ya Afrika katika hatua ya makundi ya fainali hizo.
Amekuwa hana timu tangu alipoachana na Crystal Palace mwezi June mwaka uliopita lakini amedokeza kwamba, kuna uwezekano wa kurejea England.
Nimekuwa nikifanya mawasiliano na baadhi ya vilabu (vya England)”, Adebayor aliiambia BBC Sports. “Naipena Premier League”.
Licha ya timu yake ya taifa kumaliza mkiani kwenye Kundi lao, lakini bado anaamini alionesha kiwango kizuri na anamatumaini kuwa bado ana uwezo na ubora wa kufanya vyema.
Akiwa amewahi kuvitumikia vilabu kama Arsenal, Tottenham, Manchester City na Crystal Palace, Adebayor anaelewa vizuri mahitaji ya Premier League.
“Watu wanajua ni jinsi gani napenda Premier League hata kama sio mchezaji pendwa England, nimesha cheza kwa miaka 10 ndani ya Premier League.”
“Sikuja hapa (fainali za mataifa ya Afrika) kwa ajili ya kutafuta timu kwenda ucheza, nilikuja hapa kucheza kwa ajili ya kuiwakilisha nchi yangu. Nadhani hilo nimelikamilisha,” alisema Adebayo huku akisita kuweka wazi kama ataachana na soka la kimataifa au ataendelea kuitumikia timu yake ya taifa.
Post a Comment